«Вакцинациядан бірде-бір өлім оқиғасы тіркелген жоқ» – №3 Қарағанды емханасы директорының орынбасары

Қарағандының №3 емханасында күн сайын 250 адамға дейін вакцина алады. Егу кабинеттеріне 800 адамға дейін қызмет көрсететін күндер болды. Медициналық мекеме халықтың ұжымдық иммунитетін дамыту үшін тағы да қосымша егу пункттерін орналастыруға дайын.

Бүгінгі таңда емханада вакциналардың бірінші компонентін 21 мың тұрғын алды. Тағы 17 мың адам екінші компонентпен егілді. Вакцинациядан бірде-бір өлім оқиғасы, сондай-ақ күрделі аллергиялық реакциялар тіркелген жоқ.

Вакцинацияның бірінші кезеңінен кейін өзіңізді қорғалған деп санауға болмайды. КВИ-ға иммунитет екінші компонентті алғаннан кейін үш аптадан кейін ғана пайда болады. Бірақ толық вакцинациядан кейін де вирустан қорғау шараларын ұмытпаған жөн.

– Вакцинация – коронавирустық инфекциямен күрестегі жалғыз тиімді әдіс. Әрине, жұқтыру қаупі бар. Бірақ оның пайызы төмен болады. Мен күн сайын КВИ-ға тесті нәтижесі оң болған адамдардың тізімін тексеремін. Олардың ішінде вакцинацияланғандар саны 1–2%-д құрайды. Бұл екпенің тиімділігін көрсетеді, – дейді емхана директорының орынбасары Виктор Музафаров. -Қазіргі уақытта вакцинациядан бірде-бір өлім оқиғасы, сондай-ақ ағзаның қандай да бір күрделі реакциясы тіркелген жоқ. Әдетте, вакцинациядан кейін адамдарда күтілетін иммундық реакция температура, дененің ауыруы, әлсіздік және бас ауруы түрінде болады. Ол үш күннен аспайды.

Бүгінгі таңда №3 емханада екі вакцина қолданылады – QazVac және «Спутник V». Олар арнайы мұздатқыштарда минус 20-дан минус 30 градусқа дейінгі температурада сақталады. Барлық тоңазытқыштар үздіксіз электрмен жабдықтауды қамтамасыз ететін екі генераторға қосылған.

– Вакцинацияға қарсы көрсетілімдер бар. Бұл жүктілік, лактация кезеңі, 18 жасқа дейін және ауыр аллергиялық реакция. Барлық осы жағдайларда біз пациенттерге медициналық көмек көрсетеміз. Ал қалғандарына екпе салуға кеңес береміз, себебі тек осылай ғана біз пандемиядан шыға аламыз, – дейді Виктор Музафаров. – Біз қазір жазба бойынша да, кезек тәртібінде де қабылдаймыз. Барлық ниет білдірушілерді қабылдаймыз: тіркелгендер, тіркелмегендер, шетелдіктер және тіпті құжаттары жоқ пациенттер. Сондай-ақ, біз өндірістік кәсіпорындарға шығу бригадаларының қызметтерін көрсетеміз.

Қарағанды облысының әкімдігі