Қарағанды облысының ауруханалары коронавирусқа қарсы күрес үшін барлық қажетті жабдықтармен қамтамасыз етілген

Қарағанды облысының ауруханалары коронавируспен күресу үшін барлық қажеттілермен жабдықталған. Дәрігерлердің қарамағында өкпені жасанды желдету аппараттары, жұқтырғандарға арналған бокстар, тасымалдауға арналған капсулалар және қажетті дәрі-дәрмек қоры бар. Бұл туралы Денсаулық сақтау басқармасының басшысы Ержан Нұрлыбаев тікелей эфирде хабарлады.

Аймақ тұрғындарын медициналық ұйымдар емделушілердің күрт көбецгенде оларды қабылдауға дайын болу мәселесі толғандыруда. Стационарлар мен емханалар барлық қажеттіліктермен жабдықталған. Дегенмен денсаулық сақтау басқармасы медициналық мекемелердің күшейтілген жұмыс тәртібіне көшуі жөніндегі қосымша іс-шаралар қолдануда.

Қазір қала сыртындағы санаторийлер мен профилакторийлері бар облыстың ірі кәсіпорындары қажет болған жағдайда карантин шараларын өткізуге келісім берді. Осылайша, жұқтырғандар аймақтың басқа тұрғындарынан оқшауланады.

Сондай-ақ, демеушілік қаражат есебінен коронавируспен ауыратын науқастарды тасымалдау үшін екі капсула сатып алынды. Жақын арада облыстың медициналық мекемелеріне қажетті дәрі-дәрмектердің екі айлық қоры жеткізіледі.

– Жеке қорғану құралдары – медициналық маскалар мен антисептиктер туралы бізге көп өтініштер келіп түседі. 16 наурызда Қарағанды облысына 250 мың бетперде әкелінді, олар «Биосфера» дәріханасының желісінде 140 теңге бағамен коммерциялық үстемесіз сатылады. Теміртауда 69 мың маскалар әкелінді. Оларды «Парацельс» дәріханасынан сатып алуға болады», – деді Ержан Нұрлыбаев.

Ол сондай-ақ облыста дезинфекциялау құралдары, соның ішінде қолға арналған антисептиктер өндірісі бар екенін хабарлады. Кәсіпорын Саран қаласында орналасқан. Тәулігіне ол екі тонна антисептик шығарады. Жақын арада олар облыстың дәріханалары мен супермаркеттеріне жеткізіледі.

Қазір COVID-19 коронавирусын анықтау үшін экспресс-тест сатып алу мәселесі шешілуде. Олар өңірге қай мөлшерде және қашан түсетіні туралы жақын арада мәлімделеді. Ондай тесттерді дәріханалардан сатып алуға болады.

 

Ержан Нұрлыбаев сондай-ақ, егер тұрғындар өздерінде ЖРВИ белгілерін тапса, дәрігерді үйге шақыру қажет екенін еске салды. Медицина қызметкерлері келгенге дейін «үй карантинін» ұйымдастыру – медициналық маска кию, науқастың жеке бөлмеде орналасуы және оған отбасының басқа мүшелерінің кіруін шектеу керек.

Облыста коронавирустың алдын алу шаралары, медициналық мекемелердің жұмысы және жағдайы туралы сұрақтарын тұрғындарға кол-орталықтың 95-55-59 нөмірі бойынша қоюға болады.

Пікір үстеу

Э-пошта мекенжайыңыз жарияланбайды.