Қарағанды облысында COVID-19 бойынша эпидемиологиялық жағдай

Қазақстанда өткен тәулікте коронавирус ауруының 1643 жаңа жағдайы тіркелді. Қарағанды облысында жаңа ауырғандар – 196, облыс «жасыл» аймақта орналасқан. Пандемия басталғаннан бері 2022 жылғы 12 тамыздағы жағдай бойынша COVID-19 расталған 158 431 жағдай тіркелді.

Ағымдағы жылдың 12 тамызында Қарағанды өңірінде бірінші компонентпен вакцинациямен қамту 71,2%-ды құрайды, яғни 727 450 адам егілді, бұл жалпы халық санының 60%-ын құрайды. Вакцинациялауға жататын контингенттің жалпы санының екінші компонентімен 66,6% немесе 679 875 адам егілді, бұл жалпы халық санының 56,1%-ы.

2021 жылғы 22 қарашадан бастап тек 259 165 адам ревакцинация алды – бұл оған жататын халықтың 54,5%-ы.

2022 жылғы 25 мамырдан бастап өңірде қайта ревакцинация басталды. Ағымдағы жылдың 12 тамыздағы мәліметтер бойынша 29 574 адам егілді, бұл қамтылуы тиіс тұрғындардың 60%.

Инфекциядан қорғанудың бірден бір жолы COVID–19 вирусына қарсы вакцинаның толық курсын алу және ревакцинация екенін естен шығармаңыздар!

Пікір үстеу

Э-пошта мекенжайыңыз жарияланбайды.