Қарағанды облысы «сары» аймаққа енді!
Эпидемиологиялық жағдайды бағалау матрицасына сәйкес облыс бүгіннен бастап «сары» аймаққа ауысты.
Айта кетейік, өткен тәулікте облыста COVID-19 жұқтырудың 142 жаңа жағдайы тіркелді.
Әлеуметтік-экономикалық объектілердің қызметін шектеу Қазақстан Республикасының Бас мемлекеттік санитариялық дәрігерінің 25.12.2020 жылғы №68 қаулысы негізінде жүзеге асырылатынын хабарлаймыз.
Бұл ретте, шектеу шараларын жеңілдету эпидемиологиялық ахуал 7 күн ішінде тұрақтанған жағдайда жүргізіледі, осылайша «қызыл» аймақтан «сары» аймаққа өту осы мерзім өткеннен кейін жүзеге асырылады.
Қарағанды облысының СЭБД баспасөз қызметі
