Қарағандылықтарды дер кезінде көмір қорын қамтамасыз етіп алуға шақырады

Қарағанды облысында жылыту маусымына дайындық аясында тұрмыстық көмірмен қамтамасыз етілу мониторингі жүргізілуде. Нүктелерде жеткілікті отын қоры бар, бірақ тұтыну белсенділігі әзірге жоғары емес. Тұрғындарды қатты отынды дер кезінде сатып алуға шақырды.

Энергетика және ТКШ басқармасының ақпаратына сай, облыс бойынша алдағы жылыту маусымына көмір қажеттілігі 1 700 мың тоннаны құрайды. Бұл көлемнің басым бөлігі жеке тұтынушыларға тиесілі. Сонымен қатар, халық әзірше 33 мың тоннадан сәл артық, яғни жалпы қажеттіліктің шамамен 3%-ын ғана сатып алған.

Бюджеттік ұйымдар үшін көмір сатып алу басталды.

Облыс әкімі Жеңіс Қасымбек тұрғындар арасында түсіндіру жұмыстарын күшейтуді талап етті.

– Сауда нүктелерінде қорлар мен бағаларды бақылаңыз. Адамдарға алдын ала көмір сатып алу қажеттілігін түсіндіріңіз. Облыс әкімі аппарат кеңесінде тапшылық пен кезектерге жол бермеу үшін барлық қажетті шараларды атқаруды тапсырды.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған